Bitcoin bir çox sahədə müzakirə olunan və dünyada demək olar ki, hər kəsin ağlının bir küncündə yer tutan ayrıca bir subkulturaya çevrilib. İncəsənətdən maliyyəyə, riyaziyyatdan fəlsəfəyə qədər bir çox mövzuda Bitcoin-in izlərinə rast gəlmək mümkündür. Bitcoin mədəni sahədə də özünə yer açıb və çoxsaylı filmlərin, serialların mövzusuna çevrilib.
Billions (2016)
Mərkəzində bir investisiya şirkəti, onun sahibi, prokurorlardan və vəkillərdən ibarət şəhər hüquq dünyası dayanan Billions altı mövsüm və yeddi ili arxada qoydu. Serialın baş qəhrəmanı, investisiya şirkətinin sahibi Bobby Axelrod ödənişlərinin bir hissəsini kriptovalyuta ilə həyata keçirir, müxtəlif törəmə şirkətlərdən gələn mənfəəti də kripto ilə alır. Bitcoin mayninqi mövzusu serialda dəfələrlə qarşımıza çıxır.
Bitcoin mayninqinin belə geniş auditoriyalı bir yapımda dilə gətirilməsi və xüsusilə mayner-in dialoqda söylədikləri başda Bitcoin istifadəçiləri olmaqla bir çox kripto istifadəçisini sevindirdi.
Nyu-York prokuroru Chuck Rhoades-un bir Bitcoin maynerini dindirdiyi səhnədə o belə deyir: «Yəni bir dəstə kompüter və server nəsə mücərrəd riyazi tənlikləri həll edir, nəticədə Bitcoin mayninqi alınır və bu, indi milyonlarla dollar edir? Vay! Bəs Bitcoin-in arxasında nə dayanır, nəyə bağlıdır? Heç nəyə. Sıfıra.»
Bitcoin mayneri isə belə cavab verir: «Bəs qızıl standartından imtina etdiyimizdən bəri dolların arxasında nə dayanır?» — bu geniş yayılmış arqumenti ən yaxşı şəkildə alt-üst edən əks-sual budur.
Təəccüblüdür ki, Bitcoin və kriptovalyutaların yalnız bəzi hissələrdə toxunulduğu bu serial siyahımıza məhz həmin dialoq sayəsində düşdü.
Decrypted (2021)
Tom Sands-in çəkdiyi Decrypted, Satoshi Nakamoto-nun izinə düşən bir qrupun hekayəsini danışan komediya filmidir. Filmdə milli təhlükəsizlik agentliyi NSA, Satoshi Nakamoto-nu tapmaq üçün qara yumor dozası yüksək olan agentlərdən ibarət bir komandanı işə salır.
Dope (2015)
Dope, Rick Famuyiwa-nın rejissorluğu ilə çəkilmiş komediya-dram filmidir. Filmin baş qəhrəmanı Malcolm, Harvard Universitetinə daxil olmağı hədəfləyən idealist bir gəncdir. Süjet, Malcolm-un Los-Ancelesdə iştirak etdiyi bir gecə məclisindən sonra həyatının tamamilə dəyişməsi üzərində qurulub.
Crypto Stew (2019)
Crypto Stew, Sean Russell Herman-ın çəkdiyi qısametrajlı filmdir. Film özünü Bitcoin mayneri kimi təqdim edən Stew Johnson ilə onun öz filmini çəkmək üçün işə götürdüyü kinorejissor Colby Peters-in hekayəsini danışır. Süjet, Colby-nin Stew-in əslində Bitcoin mayninqi barədə heç nə bilmədiyini anlaması üzərində irəliləyir.
Finding Satoshi Nakamoto (2015)
Mike Anzel-in yazıb çəkdiyi qısametrajlı Finding Satoshi Nakamoto, Nyu-Yorkda baş verən hadisələrdə Satoshi Nakamoto-nu tapdıqlarını düşünən iki jurnalistdən bəhs edir. Onların əslində tapa bilmədikləri şey film boyu marağı canlı saxlayır.
Crypto vs. Metals (2017)
Crypto vs. Metals animasiya janrında qısa serialdır. Serialın mövzusu ənənəvi maliyyə sisteminin problemlərindən çıxış edərək alternativ maliyyə sistemi axtarışına əsaslanır.