Mayninq hovuzu anlayışı kriptovalyutaların təməlini təşkil edən mayninqə söykənir. Bitcoin kimi bəzi kriptovalyutalarda isə mayninq hovuzu praktiki olaraq məcburiyyətə çevrilib. Hovuz yaratmaq üçün çoxlu sayda mədənçinin ortaq bir məxrəcdə birləşməsi lazımdır. Bir araya gələrək kriptovalyuta çıxaran bu prosessorların gücü birləşdirilir. Sonra isə əldə edilən bütün gəlir hovuzdakı hər iştirakçı arasında bölüşdürülür.
Mayninq hovuzunun üstünlükləri və çatışmazlıqları hansılardır?
Mayninq hovuzuna qoşulanda bunu müəyyən bir şans payı kimi düşünə bilərsiniz. Qoşulmasanız, ümumiyyətlə heç bir gəlir əldə etməyə də bilərsiniz. Elə buna görə iştirakçıların sayı kifayət qədər yüksəkdir. Birlikdə mayninq edib mənfəəti bölüşən adamlar çox vaxt payın kiçik olacağından narahat olurlar. Bunun əsas səbəbi hovuzdakı iştirakçıların çoxluğudur. Bununla belə, gəlirin müntəzəm şəkildə hesaba köçürülməsi sistemə marağı artırır.
Niyə tövsiyə olunur?
Bəzi yeni investorlara bu sahəni yaxından tanımaq üçün mayninqə məhz hovuzla başlamaq tövsiyə edilir.
Bunun səbəbləri belədir:
İnvestor bazarda hələ yenidir və qısa müddətdə özünə gəlir gətirəcək yollar axtarır,
Hovuzun kiçikhəcmli, amma müntəzəm gəliri.
Yeni mədənçiləri həvəsləndirmək üçün ideal olması.
Bu səbəblərdən hovuz mayninqi bir çox insanın, xüsusən də yeni investorların diqqətini çəkir.
Ödənişlər və mükafatlar necə alınır
Mayninq hovuzunun ən çox maraq doğuran tərəflərindən biri mükafat bölməsidir. İlk bilinməli olan şey bu mükafatların necə alınması və hansı həcmdə paylanmasıdır. Mükafat müəyyən nisbət və çətinlik səviyyəsinə malik bloklar həll olunanda mədənçiyə verilir. Qazanc həm də mədənçinin nə qədər müddət ərzində məsələ həll etməsindən asılıdır.
Ödənişlər
Mayninq hovuzlarında pay (share) başına ödəniş alma imkanınız var. Bu, standart üsuldur. Proporsional üsulda isə gəlir hovuzdakı hər bir şəxsə bərabər şəkildə təqdim olunur.